ओ प्रिय

ओ प्रिय !!

छ्या !!

लम्पसार सुतिरहेछाै...??

तिमी त उभिनु पर्ने हाे

अझ दाैडनु पर्ने

र सगरमाथा विजय गर्नु पर्ने

तर केही किलाेमिटर हिँडेर

विलाैना गरिरहेछाै खुट्टासँग

नबिर्सन...

तिमी खुट्टा मात्र हैनाै

अनि बार बार पैताला हिर्काउँदै

बिर्सिरहेछाै की

तिमी त शरिर-ब्रम्हाण्ड

दिशा निर्देश गर्ने मस्तिष्क हाै

जहाँ सूर्यसरी अाँखा

सङ्गीतसरी बाेलि

नदीझैँ गड्गडाहट धड्कन

अनि बेगवान् वायुकाे स्वास

तिमीलाई

प्रेमिल मुस्कान

अद्भूत जीवन

र असङ्ख्य सपनाहरु

थपक्क-थपक्क

अञ्जुलिभरि चढाइरहेछन्

त्यसैले

मुठ्ठि पारेर ती हत्केलाहरु

तिमीले

बुर्कुसी मारेर

घाम डुब्दा नडुब्दै

पृथ्विकाे अर्काे पाटाे पुगेर

समात्नुछ उषाका नव किरणहरु

किनकी

म फेरि भन्छु

तिमी ब्रम्हाण्ड हाँक्ने

सुन्दर मस्तिष्क हाै

अाे प्रिय ।।।

०४. फाल्गुण. २०७५/ १६. फेब्रवरि. २०१९/ शनिबार