अभिव्यक्ति

अभिव्यक्ति 

स्वच्छ पवन बनिदेऊ  

म सुवास भै मिसिदिउँला 

अनि दूर—दूर सुवास छर्दै 

 मिलनको सार्थकता खोजौँ 

के भन्छौ मलाई सबै स्विकार्य छन् 

आखिर ती मीठा मुस्कानहरु नै त हुन्

आखिर ती कोमल स्पर्शहरु नै हुन् 

जुन मलाई आफ्नै लाग्ने गर्छन् । 

साँचै सम्भव भएसम्म 

निर्मल पानी बनिदेऊ 

 म कतै झर्ना कतै नदी बनिदिउँला 

अनि समुद्रको यात्रामा हामी रमाउँदै 

सँग—सँगै जाऔँला  

यात्राभर कहीँ प्यास मेटाइदिऔँ 

कहीँ हरियाली जगाईदिऔँ 

अनन्तका ती तृष्णाहरु 

हामी मेटाउँदै अघि बढौँ 

म त्यही गरुँला 

अाखिर सागरमा मिसिएर 

हामीले हाम्रो जीवनको मीठाष्ता भेटौँला 

निकै लामो समय आनन्द 

मीठा मीठा यादहरु सङ्गाल्दै 

 सागरमा समाहित भै रमाऔँ 

नभुल आखिर एकदिन  

सागरबाटपनि छुट्टिएर जानु छ 

फेरी कहाँ, कता हाम्रो मिलन होला ?