हाच्छ्युँ

'हाच्छ्युँ'

हाच्छ्युँ~~~

हाच्छ्युँ~~~

एक हाच्छ्युँ नजिक-

नाकाम बन्यो हजारौं किलोग्रामको -तिम्रो मिसायल

हाच्छ्युँहरु पनि-

मस्जिद

गिर्जाघर

ह्वाइट हाउस

र, बकिङ्हाम प्यालेस -सहजै छिर्दो रहेछ

तर, तिमी त

मानवको कत्लेआम गर्दै, मानवताकै निम्ती

टिएनटी

सायक्लोनाइट

मिथेलाइन धूलो लगायत मिश्रणको यौगिक निकाल्दै

हाच्छ्युँहरुको विरुद्ध

प्रक्षेपण गरिरहन्थ्यौ नि ? -अनेकन ब्यालेष्टिकहरु

यद्यपि,

धर्ती नै कम्पन गर्ने

आवाज जस्तै द्रुत उड्ने

जे भेट्यो सबै पड्काउने -तिम्रो रसायनभन्दा

विषालु हुँदो रैछ है ? -एक दमित हाच्छ्युँ

अब, पनि

द ह्वाइट हाउस

र, बकिङ्हाम प्यालेसको छानोहरुमा

घाम टाँसिएन भने-

म ! दीर्घरोगी हाच्छ्युँ

फक्ताङ्लुङ्ग पहाडको चुचुरोबाट

झन् झन् 

झन् झन् 

झन् झन् 

निर्विघ्न दोहोर्‍याइ रहन्छु-

हाच्छ्युँ~~~~

हाच्छ्युँ~~~~

हाच्छ्युँ~~~~

   ••